Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Зәйдә түбәдән бала өстенә кар төшү факты буенча тикшерү үткәрелә
Ир баланың умыртка баганасы күкрәк өлешенә зыян килгән.
(Казан, 22 февраль, «Татар-информ»). Зәйдә түбәдән бала өстенә кар төшү факты буенча тикшерү үткәрелә, дип хәбәр итте «Татар-информ»га Россия Тикшерү комитетының Татарстан буенча Тикшерү идарәсе җитәкчесенең өлкән ярдәмчесе Андрей Шептицкий.
Искәртеп үтик, бу хәл бүген иртән Зәйдә Комсомольская урамында килеп чыккан. 8 яшьлек үсмер малай тротуар буйлап мәктәпкә барганда ике катлы йорт түбәсеннән кар ишелеп төшкән. Шуның аркасында, ир баланың умыртка баганасы күкрәк өлешенә зыян килгән.
Йорт тирәсендә кисәтү язылган күрсәтмә такта да булмаган, тасма белән әйләндереп тә алынмаган.
Килеп чыккан хәл ачыклана. Тикшерү кысаларында җитәкче затлар, түбәдән кар чистарту өчен җаваплы кешеләр эшенә бәя биреләчәк, тикшерү нәтиҗәләре буенча процессуаль карар кабул ителәчәк.
Кызыклы яңалыкларны күзәтеп бару өчен Телеграм-каналга язылыгыз