Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Зәйдә “Нәүрүз”бәйрәме узды
Ә бәйрәмнең иң кульминацион ноктасы Нәүрүз чибәрләрен тәкъдим итү булды.
(Зәй, 26 март, "Татар-информ", "Зәй офыклары"). Зәйнең “Энергетик” мәдәният сарае каршындагы мәйданда көн белән төннең тигезләшкән мәлен билгеләүче – “Нәүрүз” бәйрәме гөрләп узды, дип яза җирле басма.
Иртәдән үк үзәк мәйданда авыл хуҗалыгы продукциясен тәкъдим итү ярминкәсе башланды. Сәгать 9дан район сәнгать әһелләре концерты, курчак театры, төрле уеннарны тамаша кылырга, үзең дә катнашырга мөмкин иде. Нәүрүз бәйрәме белән зәйлеләрне, районыбыз кунакларын район башкарма комитеты җитәкчесе Илнар Хафизов тәбрикләде, яңа хезмәт сезонында яңа уңышларга өндәде.
Ә бәйрәмнең иң кульминацион ноктасы Нәүрүз чибәрләрен тәкъдим итү булды. Алар быел Аксардан Юля Авакумова, Югары Шепкәдән Эльвира Гыйбазуллина, Гөлия Шәрәфиева, Кадердән Алсу Сәрвәрова, Бигештән Камилә Кәлимуллина, Куш Елгадан Айсылу Гыйльфанова, Югары Мәлемнән Йолдыз Зарипова. Чибәр кызлар барысы да үзенчәлекле номерлар белән тамашачылар күңелен яулады.
Мәйдан тирәли исә төрле милли уеннар гөрләде. Татар гимназиясе һәм политехник колледж коллективы пешергән пылаудан да авыз итәргә мөмкин иде.
Кыскасы яз бәйрәме күтәренке рух өстәде.
Кызыклы яңалыкларны күзәтеп бару өчен Телеграм-каналга язылыгыз