Зәйдә ир-ат тыелган урында суга сикергән һәм баткан
Фаҗига Зәй сусаклагычында булган.
Скопировать ссылку
(Казан, 1 июль, “Татар-информ”). Зәй районында исерек ир-ат тыелган урында суга сикергән һәм баткан. Бу хакта “Татар-информ”га Россия Гадәттән тыш хәлләр министрлыгының Татарстан буенча Баш идарәсе матбугат хезмәте хәбәр итте.
Кичә иртән фаҗига шаһиты ашыгыч хезмәтнең 112 бердәм номерына Зәй су саклагычында ир-ат батуын, әйберләре яр буенда калуын хәбәр иткән.
Һәлакәт урынына Зәй эзләү-коткару төркеме, табиблар һәм полиция барган.
