Җәмгыять 18 март 2018 14:08

Зәйдә энергетиклар хезмәт династияләре белән сайлауларга килде

Предприятиедә хезмәт династияләре дә шактый.

Скопировать ссылку

(Зәй, 18 март, “Татар-информ”, “Зәй офыклары”, Николай Шамионов). Зәй энергетиклары сәяси тормыштан бервакытта да читтә тормады. ГРЭСта хезмәт куючылар эшләре шактый киеренке булган чорларда да сайлауларда катнашырга вакыт таптылар, һәрвакыт активлык күрсәттеләр. Алар әлеге традициягә тугры калып, бүгенге сайлауларда да гражданлык бурычын үтиләр. Зәйдә энергетиклар хезмәт династияләре белән сайлауларга килде, дип яза район газетасы.

"Станциядә хезмәт куючыларның күпчелеге биш көнлек эш режимында булса, сайлау көнендә вахтада булучыларның бер өлеше сайлауга иртән сменадан чыккач, икенче өлеше исә кичке якта килә. Предприятиедә хезмәт династияләре дә шактый. Шуларның берсе – Людмила Һәм Юрий Герасимовлар. Алар икесе дә гомер буе ГРЭСта хезмәт куйдылар, хәзер исә лаеклы ялда. Аларның улы Михаил - станциядә электр цехы башлыгы. Киленнәре Ольга “Кыңгырау чәчәк” балалар бакчасында физик куль тура инструкторы булып эшли", - диелгән әлеге хәбәрдә.

Юрий Сергеевич һәм Людмила Александровна шәһәрнең 3нче мәктәбендә урнашкан 1440нчы сайлау участогында, Ольга һәм Михаил татар гимназиясендәге 1436нчы сайлау участогында сайлаган.

"Безнең әти-әниләр сайлауларда һәрвакыт катнашып килделәр. Безне дә ил язмышы хәл ителгәндә читтә тормаска өйрәттеләр. Хәзер инде без үзебез бу мәсьәләдә балаларга үрнәк күрсәтәбез", - дигәннәр Ольга һәм Михаил.

#зәй #сайлау

Сәхифәләр

Зәйдә энергетиклар хезмәт династияләре белән сайлауларга килде