Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Зәйдә чаңгычы-узышчылар арасында Татарстан чемпионаты уза
Спортчылар чаңгы-роллерда ярыша һәм кросста җитезләр ачыклана.
(Казан, 29 сентябрь, “Татар-информ”, Фәрит Салихов). Бүген – 29 сентябрьгә Татарстанның иң көчле чаңгычылары җыелды. Алдагы ике көндә шәһәрнең “Ялта-Зәй” спорт әзерлек үзәгендә чаңгычы-узышчылар арасында җәйге Татарстан беренчелеге һәм чемпионаты уза.
Ярышларда иң көчле спортчылар гына ачыкланып калмый, ә чаңгычыларның яңа сезонга әзерлеге дә тикшереләчәк, дип хәбәр иттеләр “Татар-информ”га Татарстанның чаңгы узышлары һәм биатлон федерациясе матбугат хезмәтеннән.
“Ялта-Зәй”дә җәйге һәм көзге айларда алда торган кышкы сезонга әзерлек бер көнгә дә туктап тормады. Бу аңлашыла да: чөнки әлеге үзәк – Татарстан чаңгычыларының төп әзерлек базасы. Шуңа да, әзерлекне тикшерү өчен, чемпионат һәм беренчелек тә биредә уза”, – диделәр федерациядән.
Чаңгычы-узышчылар иртәгә – 30 сентябрьдә чаңгы-роллерда ярышса, 1 октябрьгә кросс билгеләнгән. Команда беренчелегендә авыл районнары һәм шәһәрләр арасында җиңүчеләр аерым билгеләнәчәк.
Кызыклы яңалыкларны күзәтеп бару өчен Телеграм-каналга язылыгыз