Авыл 14 ноябрь 2018 05:00

Зәйдә авыл хуҗалыгы техникасын кышкы саклауга кую барышын тикшерделәр

Иң зур – 70 баллны “Зәй шикәре” агрофирмасы алды: алар беренче урынга чыкты.

Скопировать ссылку

(Зәй, 14 ноябрь, "Татар-информ", "Зәй офыклары", Энҗе Әгъләмова). Кичә Зәй районы агрофирмалары хуҗалыкларында махсус комиссия авыл хуҗалыгы техникасын кышкы саклауга куюны карады. Бу турыда җирле басма хәбәр итә.

Ел саен без махсус комиссия составында, техникаларны карап-тәртиптә тотуга җитди игътибар бирү максатында, республика Авыл хуҗалыгы һәм азык-төлек министрлыгы боерыгын үтәү йөзеннән урыннарга чыгып тикшерүләр үткәрелә.

"Бу эшкә район башлыгы Разиф Кәримов аеруча игътибарлы, чөнки техниканы кадерләп торганда гына ул озак хезмәт күрсәтүгә, җир эшләрен тиешле вакытта башкарырга мөмкинлек бирә", - ди район авыл хуҗалыгы идарәсе белгече Марсель Рәхмәтов.

Авыл хуҗалыгы техникасына мөнәсәбәт, аларны кышкы чорда тиешле дәрәҗәдә саклау, төзекләндерүгә әзерләү һәр агрофирма хуҗалыгында баллар белән бәяләнеп, соңыннан гомуми нәтиҗәләр чыгарылган.

Иң зур – 70 баллны “Зәй шикәре” агрофирмасы алды: алар беренче урынга чыкты. Икенче урында - “Зәй” агрофирмасы (69 балл), өченчедә - “Восток” (68 балл).

#Зәй офыклары

Сәхифәләр

Зәйдә авыл хуҗалыгы техникасын кышкы саклауга кую барышын тикшерделәр