Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Зәйдә, автобус янып, үлемгә китергән һәлакәт буенча процесс кичектерелде
Тикшерү органнары фаразы буенча, һәлакәт килеп чыгуда автобус йөртүчесе Александр Ижмуков гаепле.
(Казан, 29 сентябрь, "Татар-информ"). Зәй шәһәре суды юл-транспорт һәлакәтендә автобус янып, 14 кеше гомерен алып киткән җинаять эшен карауга кереште. Гаепләнүчеләр эскәмиясендә - һәлакәт вакытында руль артында булган автобус йөртүчесе Александр Ижмуков.
Искәртеп үтик, алдан “Татар-информ” 2 июль төнендә Чаллы – Әлмәт юлының Зәй районындагы 52нче чакрымында 28 пассажиры булган автобусның һәлакәткә юлыгуын хәбәр иткән иде.
Тикшерү күрсәткәнчә, автобус йөртүчесе юл һәм һава торышы шартларын исәпкә алмый, дистанцияне сакламыйча, тизлекне арттырып, шул ук юнәлештә баручы "МАН” йөк машинасы белән бәрелешкән.
Бәрелешүдән автобуска ут капкан, ул бүленеш полосасына чыккан һәм ауган.
Һәлакәт аркасында 14 кешенең гомере өзелгән, калганнары төрле җәрәхәтләр алган. Автобус һәм йөк машинасы тулысынча янган.
Полиция хезмәткәрләре билгеләп үтүенчә, тикшерү органнары күп санда суд экспертизалары, шул исәптән генотипоскопик, комиссион автотехник һәм компьютерлы, суд-медицина экспертизалары үткәргән, сораулар алынган һәм төрле төбәкләрдә башка тикшерү эшләре башкарылган.
Әлеге эш буенча гаепләү нәтиҗәсен Россия генераль прокуроры урынбасары раслаган.
Суд процессы 30 октябрьгә кадәр кичектерелгән.
Кызыклы яңалыкларны күзәтеп бару өчен Телеграм-каналга язылыгыз