Зәйдә агросәнәгать паркында сәүдә залы эшли башлады
Әлеге парк җомга, шимбә, якшәмбе көннәрендә эшләячәк.
Скопировать ссылку
(Зәй, 21 гыйнвар, "Татар-информ", "Зәй офыклары", Рәзимә Кашапова). Шушы көннәрдә Зәйдә агросәнәгать паркында сәүдә залы эшли башлады. Аны ачуда район башлыгы Разиф Кәримов, республиканың крестьян-фермер хуҗалыклары ассоциациясе рәисе Камияр Байтимеров катнаштылар. Бу турыда район басмасы хәбәр итә.
Биредәге сәүдә павильонында киң ассортиментта Зәй һәм якын-тирә район җитештерүчеләренең ит, сөт , ярма, яшелчә продукциясе урын алган. Әлеге парк җомга, шимбә, якшәмбе көннәрендә эшләячәк. Технологик комплекс - хуҗалык итүнең кече һәм урта формаларын үстерүдә зур этәргеч булып тора.