Җәмгыять 19 август 2018 19:00

Зәйдә Агросәнәгать паркы төзелә

Анда дүрт цех булдыру карала - ярма һәм башка продукцияне фасовкалау, кош ите эшкәртү белән ит производствосы һәм яшелчәләр эшкәртү цехлары.

Скопировать ссылку

(Зәй, 19 август, "Татар-информ", "Зәй офыклары", Рәзимә Кашапова). Бүгенге көндә Зәйдә сынау проекты буенча агросәнәгать паркын төзү эше бара, дип яза җирле басма.

Ул Икмәк кабул итү предприятиесе бистәсе, дөресрәге, тимер юл кичүен узгач сафка басып килә. Аның нигезе салынып, бүген модульле корылмалар белән монтажлана. Аннан аның стеналары күтәрелеп, түбәсе ябылачак, анда эчке сылау-буяу эшләре башкарылачак. Биләмәсе исә койма белән әйләндереп алынып, төзекләндереләчәк.

Паркны төзү белән “НеоСтрой” җаваплылыгы чикләнгән ширкәте мәшгуль. Әлеге объект авылда хуҗалык итүнең кече формаларын үстерүдә үрнәк булачак. Анда дүрт цех булдыру карала - ярма һәм башка продукцияне фасовкалау, кош ите эшкәртү белән ит производствосы һәм яшелчәләр эшкәртү цехлары.

Республика Президенты Рөстәм Миңнеханов Зәйгә урып-җыю эшләре барышы белән танышырга килгәч, әлеге агросәнәгать паркы уңышлы эшләп китсә, аны башка районнарга да төзүне планлаштырабыз, диде.

#Зәй офыклары

Сәхифәләр

Зәйдә Агросәнәгать паркы төзелә