Мәдәният 28 октябрь 2014 14:00

Зөядә “Изге җырлар”/ “Священные песни” дип аталган хор музыкасы фестивале була

Шәһәрнең тарихи музеенда да чаралар узачак

Скопировать ссылку

(Казан, 28 октябрь, “Татар-информ”). 1 ноябрь көнне Зөя (Свияжск) утрау-шәһәрчегендә “Изге җырлар”/“Священные песни” дип аталган хор музыкасы фестивале була. Чара ТРның туристик брендын үстерү һәм популярлаштыруга юнәлдерелгән, ул “Вакыйгалы туризм” программасы кысаларында оештырыла.

Фестивальнең концерты көндезге 1 дә “Всех скорбящих Радость” соборында узачак : ул үзенең яхшы акустикасы белән аерылып тора. Монда уздырылган “Иман моңы”/“Музыка веры” фестивале тамашачыларда бик зур кызыксыну уята һәм оештыручылар фестивальнең яңасын да биредә үткәрергә ниятли.

Чарада Миләүшә Тәминдарова җитәкчелегендәге ТР Дәүләт камера хоры, Зөянең “Богородица-Успение” монастыре ир-егетләр хоры, Лаеш шәһәреннән дини музыка ансамбле һ.б. катнашуы көтелә.

Шулай ук, фестивальгә Ижевск шәһәреннән дә кунаклар киләчәк.

Моннан тыш, көндезге 12дә Зөя тарихи музеенда Татарстан Республикасы Дәүләт кыллы музыка квартетының да чыгыш ясавы көтелә, дип "Татар-информ"га хәбәр итә ТР Мәдәният министрлыгының матбугат хезмәте.

Сәхифәләр

Зөядә “Изге җырлар”/ “Священные песни” дип аталган хор музыкасы фестивале була