Зәй янында бозлавык юлда җиңел автомобиль трассадан читкә төшеп киткән
Юл һәлакәте кичә кич Тынычлык бистәсе борылышында булган.
Скопировать ссылку
(Казан, 2 ноябрь, «Татар-информ»). Зәй янында җиңел автомобиль, бозлавык булу сәбәпле, юл читенә таеп төшеп киткән. Бу хакта «Татар-информ» агентлыгына әлеге аварияне үз күзләре белән күргән кешеләр хәбәр итте.
Юл һәлакәте кичә кич Зәйгә җитәрәк - Тынычлык бистәсе борылышында булган. Фаразланганча, машина йөртүче тайгак юлда идарәсен югалтып, юл читенә төшеп киткән, автомобиль әйләнеп капланган.
Авария нәтиҗәсендә бер хатын-кыз зыян күргән. Аны ашыгыч медицина ярдәме хастаханәсенә озатканнар.
