Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Зәй шикәр заводында яңа корылма ачылды
Яңа корылма - экологияне саклау өчен отышлы юл.
(Зәй, 13 октябрь,“Татар информ”, «Зәй офыклары”, Рәзимә Кашапова). Зәй шикәр заводы агымдагы елда да зур үзгәрешләр кичерде. Предприятиедә бетоннар белән әйләндереп алынган юынтык су җыела торган (радиальный отстойник) бассейн файдалануга тапшырылды. Аны тантаналы төстә ачуда район башлыгы Разиф Кәримов, “Зәй шикәре” ААҖ генераль директоры Антон Трошин катнашты, дип яза район газетасы.
Район башлыгы заводта барган төзү-төзекләндерү эшләре, җитештерүчәнлекне ныклы контрольдә тота, язын әлеге корылма төзелеше белән танышып кайткан иде. Мондый биниһая зур корылма республика шикәр заводларында тәүгесе, чөгендер юылган су әлеге объектка агып төшеп, махсус фильтр җиһазы аша узып, кире чөгендер юу өчен куылачак. Бетоннар белән әйләндереп алынган әлеге урын 2,5 мең куб метр җир били. Кыскасы, чимал юылган су беркая агызылмыйча, шулай әйләнеш ясап торачак. Бу иң мөһиме - әйләнә-тирә, экологияне саклау өчен отышлы юл. Шунысы игътибарлга лаек, әлеге яңа корылма чимал эшкәртү, продукция җитештерү куәтен тагын да арттыруга алшарт булачак.
Кызыклы яңалыкларны күзәтеп бару өчен Телеграм-каналга язылыгыз