Җәмгыять 28 июнь 2019 04:00

Зәй шәһәре башкарма комитеты җитәкчесе вазифасына конкурс игълан ителде

Бу вазифага шәһәр башкарма комитеты җитәкчесе урынбасары булып эшләгән Татьяна Кузнецова вакытлыча билгеләнде.

Скопировать ссылку

(Зәй, 28 июнь, "Татар-информ", "Зәй офыклары", Энҗе Әгъләмова). Зәйдә шәһәр башкарма комитеты җитәкчесе алышына. Бу турыдагы мәсьәлә шәһәр Советы утырышында каралды. Хәзерге вакытта бу урынга конкурс игълан ителде. Район басмасы шул хакта хәбәр итә.

Утырыш барышында депутатлар шәһәр башкарма комитеты җитәкчесенең вакытыннан алда вәкаләтләре туктатылу турындагы мәсьәләне дә карадылар. Район башлыгы Разиф Кәримов шәһәр башкарма комитеты җитәкчесе Сергей Максимовтан үз вәкаләтләреннән азат итүне сораган гариза керүе турында белдерде.

Депутатлар бу сорауны канәгатьләндерде. 27 июньнән шәһәр башкарма комитеты җитәкчесе вазифаларын башкару моңа кадәр шәһәр башкарма комитеты җитәкчесе урынбасары булып эшләгән Татьяна Кузнецовага йөкләнде.

Кандидатларга куелучы таләпләр: югары белем, муниципаль хезмәттә ике елдан да ким булмаган стаж, идарә итү системасында өч елдан да ким булмаган эш тәҗрибәсе.

Конкурсның шартлары, кирәкле документлар турындагы мәгълүмат http://zainsk.tatarstan.ru/ сайтында урнаштырылган. Белешмәләр өчен телефон: 8(85558) 7-07-90.

#Зәй офыклары

Сәхифәләр

Зәй шәһәре башкарма комитеты җитәкчесе вазифасына конкурс игълан ителде