Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Зәй районында малайлар күбрәк туган
Статистика күрсәткәнчә, икенче балалары туган гаиләләр күпчелекне тәшкил итә.
(Зәй, 19 октябрь, "Татар-информ", "Зәй офыклары", Клара Ермолаева). Зәй ЗАГС бүлеге мәгълүматларына караганда, агымдагы елның 9 аенда Зәй районында 301 сабый дөньяга килгән. Шуларның 152се - малай, 149ы - кыз бала. Бу хакта район басмасы хәбәр итә.
Статистика күрсәткәнчә, икенче балалары туган гаиләләр күпчелекне тәшкил итә. 94 бала – гаиләдә беренче, 134е – икенче , 52 се өченче бала булып туган, 14е дүрт һәм аннан да күбрәк балалы гаиләдә. Яңа туган балалар арасында 2 пар игезәкләр дә бар. Балаларга кушылган исемнәр арасында иң популярлары - Софья, Әмир, Ислам.
Районда ай саен 20ләп пар никахлаша. Моннан тыш, туй көннәрен матур датага туры китерүчеләрнең артуы сизелә, ди бүлек хезмәткәрләре. Быел исә 18 .08.18, ягъни 18 август көнне 12 пар язылышкан. Кызганычка, 9 айда 140 пар аерылышкан.
Кызыклы яңалыкларны күзәтеп бару өчен Телеграм-каналга язылыгыз