Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Зәй районында өлкәннәр ункөнлегендә ялгыз яшәүчеләрнең фатирларын җыештыралар
Алар өчен атна дәвамында төрле чаралар оештырыла, ташламалы хезмәтләр күрсәтү дәвам итә.
(Зәй, 3 сентябрь, "Татар-информ", Зәй офыклары", Энҗе Әгъләмова). Зәй районында өлкәннәр ункөнлеге бара. Районда 15 меңнән артык өлкән яшьтәге кеше исәпләнә. Алар өчен атна дәвамында төрле чаралар оештырыла, ташламалы хезмәтләр күрсәтү дәвам итә, дип яза җирле басма.
Балалар өлкәннәребезне хөрмәтләп җылы сүзләр язылган открыткалар әзерләп юлладылар, һәр оешма-предприятиедә лаеклы ялга чыккан өлкәннәрне кунакка чакырып ихтирам күрсәтелде. Хакимият органнары ветераннары өчен совет чоры рәссамнары күргәзмәсенә сәяхәт, капиталь төзекләндерү үткәрелгән объектларны карау, җәйрәм чарасы оештырылды. Яшьләр эшләре идарәсе каршындагы волонтерлар отряды әгъзалары ялгыз яшәүче өлкәннәрнең йорт-җирләрен, фатирларын җыештыру, тәртипкә китерүдә булыштылар.
Физкультура, спорт һәм туризм идарәсе тренажер залларына, бассейнга, боз сараена аерым шөгыльләргә йөрүне, теннис уйнауны бушлай оештыра. Чәчтарашханәләрдә, шәһәр мунчасында ташламалы хезмәт күрсәтелә. Ә шимбә көнендә үткәрелүче авыл хуҗалыгы ярминкәсендә волонтерлар өлкәннәргә сатып алган продукцияне өйләренә кайтарырга булыша.
Кызыклы яңалыкларны күзәтеп бару өчен Телеграм-каналга язылыгыз