news_header_top
Руc Тат
16+
news_header_bot
news_top
Фән һәм мәгариф 19 ноябрь 2018 09:00

Зәй районы башлыгы студентларга дәрес бирде

Дәрес ахырында студентлар район башлыгына үзләрен кызыксындырган сорауларны бирделәр.

Скопировать ссылку

(Зәй, 19 ноябрь, "Татар-информ", "Зәй офыклары", Николай Шамионов). Зәй районы башлыгы Разиф Кәримов политехник көллиятендә “Лидерлык: дәрәҗәгә ирешкән җитәкче дәресе”дип аталган дәрес бирде. Актлар залында үткән дәрестә 2-3 нче курсларда укучы 150ләп студент катнашты. Бу турыда район басмасы хәбәр итә.

Разиф Кәримов чыгышында иң башта студентларны районның быелгы үсеш нәтиҗәләре белән таныштырды. Шунысы игътибарга лаек, агымдагы елның 8 ае нәтиҗәләре буенча районның социаль-икътисади үсешендә төп күрсәткечләр буенча уңай динамика күзәтелә.

Электр энергиясе җитештерү һәм сату ел саен кимүгә дә карамастан (соңгы 8 елда ел саен 1 миллиард сумга), тулаем территориаль продукт 38 миллиард сумга җитте. 2013 ел белән чагыштырсак, үсеш – 36 процент.

Быел да район икътисадта ирешелгән үз урынын саклый. Беренче яртыеллыкта сәнәгатьтә җитештерү индексы 123 процент тәшкил иткән. Бу – республиканың сәнәгать өлкәсендә үсеш алган районнар арасында иң яхшы күрсәткеч.

Район предприятиеләре һәм оешмалары тарафыннан быелның гыйнвар-августында 22724,9 миллион сумлык продукция җитештерелеп, кулланучыларга озатылган. Бу күрсәткеч буенча Зәй - республикада җиденче урында.

Дәрес ахырында студентлар район башлыгына үзләрен кызыксындырган сорауларны бирделәр. Алар исә үзеңдә ничек итеп лидерлык сыйфатлары тәрбияләү һ.б. турында иде.

#Зәй офыклары
news_right_1
news_right_2
news_bot