Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Зәй районы башлыгы 1нче сыйныфка баручы 97 балага мәктәп букчасы тапшырды
Быел шәһәр-районда 1нче сыйныфка баручы 603 бала исәпләнә, шуның 97се - ярдәмгә мохтаҗ гаиләләрдә тәрбияләнүчеләр.
(Зәй, 25 август, “Татар-информ”, “Зәй офыклары”, Николай Шамионов). Зәйдә ел саен “Мәктәпкә җыенырга ярдәм ит” хәйрия акциясе үтә. Аның кысаларында быел чаралар аеруча күп уздырылды. Бүген исә аларның иң зурысы район башлыгы Разиф Кәримов катнашында үтте, дип яза җирле басма.
Балалар мәктәпкә әзерләнеп, шатланып барырга, аларга белем алу өчен барлык шартлар да тудырылырга тиеш. Акция дә шуны күздә тота. Аның кысаларында химаячеләр тарафыннан бирелгән акчага 1нче сыйныфка баручы, әмма авыр хәлдә калган гаиләләрдә тәрбияләнүче балалар өчен портфельләр, уку-кирәк яраклары алына. Быел шәһәр-районда 1нче сыйныфка баручы 603 бала исәпләнә, шуның 97се - ярдәмгә мохтаҗ гаиләләрдә тәрбияләнүчеләр.
Балаларга портфельләр тапшыру чаралары ике урында оештырылды: 6нчы мәктәптә - шәһәрдә яшәүчеләр , “Шатлык” халыкка социаль хезмәтләр күрсәтү үзәгендә – авыл җирлекләрендә яшәүче балалар өчен. Ике чарада ныклы әзерлек белән, балалар һәм аларның әти-әниләре өчен зур бәйрәм буларак үтте.
Кызыклы яңалыкларны күзәтеп бару өчен Телеграм-каналга язылыгыз