Җәмгыять 19 ноябрь 2018 04:00

Зәй керәшен җәмгыяте идарәсенә яңа җитәкче сайлау мәсьәләсе хәл ителде

Район башкарма комитеты җитәкчесенең социаль мәсьәләләр буенча урынбасары Александр Чапковны сайлау турында карар кабул ителде.

Скопировать ссылку

(Зәй, 19 ноябрь, "Татар-информ", "Зәй офыклары", Николай Шамионов). Зәй керәшен җәмгыяте идарәсенең рәисе Иван Яковлев республикадан вакытлыча китү сәбәпле, керәшен җәмгыяте эшчәнлеге нык сүлпәнләнде. Шуңа күрә оешманың яңа җитәкчесен сайлау зарурлыгы туды. Бу турыда җирле басма хәбәр итә.

Җәмгыятьнең чираттагы утырышы идарә әгъзасы, район башлыгы урынбасары Валерий Акатьев рәислегендә үтте.

Көн тәртибендә берничә мәсьәлә тикшерелде. Җәмгыятьнең яңа җитәкчесен сайлау һәм оешманың февраль аенда узачак хисап-сайлау конференциясенә әзерлек утырышта төп мәсьәлә булды.

Киләсе елның февралендә җәмгыятьнең хисап-сайлау конференциясе үтәчәген исәпкә алып, утырышта аңа әзерлек һәм уздыру буенча эшче төркем төзү һәм аның җитәкчесе итеп район башкарма комитеты җитәкчесенең социаль мәсьәләләр буенча урынбасары Александр Чапковны сайлау турында карар кабул ителде.

Утырышта шулай ук “Туганайлар” газетасына язылуны активлаштыру мәсьәләсе дә тикшерелде.

#Зәй офыклары

Сәхифәләр

Зәй керәшен җәмгыяте идарәсенә яңа җитәкче сайлау мәсьәләсе хәл ителде