«Зөләйха күзләрен ача» сериалының премьерасы 2020 елда булачак
Гүзәл Яхина социаль челтәрләрдә сериал премьерасын кичектерү турында язды.
- ВКонтакте
- Telegram
- РћРТвЂВВВВВВВВнокласснРСвЂВВВВВВВВРєРСвЂВВВВВВВВ
- РњРѕР№ Р В Р’В Р РЋРЎв„ўР В Р’В Р РЋРІР‚ВВВВВВВВРЎР‚
Скопировать ссылку
(Казан, 25 ноябрь, «Татар-информ», Марат Ишкильдин). Язучы Гүзәл Яхина социаль челтәрләрдә «Зөләйха күзләрен ача» сериалының премьерасы 2020 елның язына кадәр кичектерелүе турында хәбәр итте.
«Зөләйха күзләрен ача» сериалы быел экраннарга чыкмады. Премьера көнен телеканал билгели. Мөгаен, ул яз булыр», — дип язган Instagram битендә Гүзәл Яхина.
Бу мәгълүматны «Татар-информ» мәгълүмат агентлыгы хәбәрчесенә Лаеш районы хакимияте матбугат сәркатибе Рәсим Хаҗиев раслады.
«Мин Гүзәл Яхина сүзләренә сылтама белән сериалның премьерасы турында пост яздым. Көзге сезон тәмамлана, ә телекомпания сезон буенча эшли, җәен һәм кышын эре проектларны чыгармый. Шуңа күрә мин Гүзәл Яхина белән килешәм, бәлки, сериалның премьерасын язга күчерерләр», — диде Рәсим Хаҗиев.
Проектны төшерү эшләре Татарстанның Лаеш районында узды, анда махсус төзелгән Сәмруг авылында гигант декорацияләр корылган иде. Фильмның бер өлеше Казан үзәгендә һәм Казан Кремле территориясендә дә төшерелде.
Телесериалда төп рольне Чулпан Хаматова уйный. Фильмның режиссеры — «Кровавая барыня», «Деньги», «Нелюбимый» эшләре буенча танылган Егор Анашкин.