«Зөләйха күзләрен ача» китабы Италия премиясенә лаек булды
Джузеппе Томаси ди Лампедуза премиясе 2003 елдан башлап, Италиядә басылып чыккан халыкара авторларга тапшырыла.
Скопировать ссылку
(Казан, 8 июнь, «Татар-информ», Рузилә Мөхәммәтова). Гүзәл Яхинаның «Зөләйха күзләрен ача» романы Италиянең Джузеппе Томаси ди Лампедуза премиясе лауреаты булды. Бу хакта язучының рәсми аккаунтында хәбәр ителә.
«Зөләйха күзләрен ача» — сәяси китап түгел, бу тайгага килеп чыккан хатын-кызның эмансипация маҗаралары. Зөләйха күзләрен ачып безне ышандыра алсын: бөек китаплар кичәге көн кешесе белән дә, иртәгәге кеше белән дә сөйләшә ала», — дип яза оештыручылар.
Китапның авторы Гүзәл Яхина Премиянең аккаунтында рус чыгышлы язучы һәм журналист дип билгеләп үтелгән.
- Джузеппе Томаси ди Лампедуза премиясе 2003 елдан башлап, Италиядә басылып чыккан халыкара авторларга тапшырыла. Төп тема — тынычлык һәм халыклар дуслыгының әдәбиятта чагылышы.
- Гүзәл Яхинаның «Зөләйха күзләрен ача» романы буенча 8 серияле фильм төшерелде. Сериал үзчикләү көннәрендә күрсәтелде һәм Россия 1 каналына зур рейтинг китерде.