Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
"Зәкят" хәйрия фонды мохтаҗлардан корбан итенә гариза кабул итә
Фондта корбан чалу буенча квалификацияле белгечләр белән киңәшләшергә һәм тикшерү узган маллар алырга мөмкин.
(Казан, 16 август, "Татар-информ").“Зәкят” хәйрия фонды Корбан бәйрәме алдыннан корбанлыкларга гаризалар кабул итә. Бу турыда Татарстан мөселманнары Диния нәзарәте матбугат хезмәте хәбәр итте.
"Бер сарыкның бәясе быел 7000 сум. Шунысы күркәм, “Зәкят” фонды барлык оештыру мәсьәләләрен хәл итүне үз өстенә ала: мал-туарны күпләп сатып алу бәясеннән юнәтүдән алып, мохтаҗларга таратуга кадәр, ягъни теге яки бу хәйрияче исеменнән корбан чалу эшләрен башкара. Шулай итеп, әлеге бәягә корбан чалу, итне кисәкләргә ваклау, аны инвалидларга һәм күп балалы гаиләләргә өләшү керә", диелгән әлеге хәбәрдә.
Фондта корбан чалу буенча квалификацияле белгечләр белән киңәшләшергә һәм тикшерү узган маллар алырга мөмкин. Фондның хезмәтләре – бушлай. Һәр ел саен әлеге акция мохтаҗларда зур шатлык хисләрен кузгата. Хәзерге вакытта фондка корбан ите алу өчен 400 гариза кергән. Алар арасында аз керемлеләр, инвалидлар, авыр хәлгә төшкән кешеләр, ятимнәр бар.
Гаризаларны 20 августка кадәр тапшырырга мөмкин. Сарыкларның саны чикле.
Кызыклы яңалыкларны күзәтеп бару өчен Телеграм-каналга язылыгыз