"Зәкят" хәйрия фонды күп балалы гаиләләр өчен ифтар уздыра
Казан шәһәрендәге "Софра кебаб" кафесында үтәчәк ифтарда утыздан артык мөселман гаиләсе катнашачак.
Скопировать ссылку
(Казан, 5 июнь, "Татар-информ"). Иртәгә, 6 июньдә, Татарстан мөселманнары Диния нәзарәтенең "Зәкят" хәйрия фонды күп балалы гаиләләр һәм авыру балалар тәрбияләүче гаиләләр өчен ифтар уздыра. Бу турыда Диния нәзарәте матбугат хезмәте хәбәр итте.
Казан шәһәрендәге "Софра кебаб" кафесында үтәчәк ифтарда утыздан артык мөселман гаиләсе катнашачак.
Мәҗлестә балаларны бүләкләр һәм татлы ризыклар белән сөендерәчәкләр. Хәйрия мәҗлесе "Рамазан – изге гамәлләр ае" кысаларында мәрхәмәтле кешеләр ярдәме белән оештырыла, диелгән әлеге хәбәрдә.
