Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
"Зәкят" фонды Корбан бәйрәменә әзерлек башлады
Бер яшьлек бәрәннең бәясе - 8000 сум.
(Казан, 3 июль, "Татар-информ"). Татарстан мөфтиятенең “Зәкят” хәйрия фонды Корбан бәйрәме алдыннан традицион рәвештә “Мохтаҗларны тукландыр” акциясен игълан итә. Һәрбер теләгән кеше “Зәкят” фондыннан сарык сатып алып, аның итен мохтаҗларга тапшыра ала. Бу хакта ТР Диния нәзарәте хәбәр итә.
Бер яшьлек бәрәннең бәясе 8000 сумны тәшкил итә: әлеге суммага малны сую, итне ваклау һәм мохтаҗларга – инвалидларга һәм күп балалы гаиләләргә өләшү хезмәте керә.
“Зәкят” фонды тулысы белән барлык оештыру мәсьәләләрен хәл итүне үз өстенә ала: сатып алудан алып мохтаҗларга илтеп бирүгә кадәр, – дип билгели фондның генераль директоры Булат Мәрданов. – Безнең квалификацияле белгечләр корбан чалу гамәле буенча хәйриячеләрне кызыксындырган барлык сорауларга җавап бирәләр.
Әлеге мөмкинлектән файдалану өчен (843) 225-33-22 телефон номеры буенча мөрәҗәгать итәргә кирәк. Белгечләр сезгә барысын да аңлатып, корбан чалу йоласын үтәр өчен акча кабул итеп алачак һәм аны җиренә җиткереп башкарачак.
Кызыклы яңалыкларны күзәтеп бару өчен Телеграм-каналга язылыгыз