Үзәк сайлау комиссиясе Татарстан Президенты сайлаулары уздыру планын раслады
Татарстан Республикасы Президентын сайлау 2020 елның 13 сентябрендә булачак.
(Казан, 11 июнь, «Татар-информ», Рифат Каюмов). Татарстанның Үзәк сайлау комиссиясе республика Президенты сайлауларына әзерләнү һәм уздыру планын раслады. Бу хакта сайлау комиссиясенең онлайн форматта үткән утырышында билгеле булды.
Үзәк сайлау комиссиясе рәисе Андрей Кондратьев сайлау уздыру вакытында, иң беренче чиратта, эпидемиологик яктан куркынычсызлык чараларын булдыруны таләп итте. Ул сайлау участокларына керүне, чыгуны, сайлау комиссиясе әгъзаларын, күзәтүчеләрне шәхси саклану чаралары белән тәэмин итүне Роспотребнадзор тәлапләре буенча тормышка ашырылачагын белдерде.
Андрей Кондратьев һәр территориаль сайлау комиссиясе дә видеокүзәтү белән тәэмин ителәчәге турында әйтте.