Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Үзәк сайлау комиссиясе рәисе Әгъзам Гобәйдуллин сайлауда үз тавышын бирде
Татарстан Үзәк сайлау комиссиясе рәисе Әгъзам Гобәйдуллин бүген Россия Федераль Җыены түбән палатасына депутатлар сайлауның мөһимлеген билгеләп үтте.
(Казан, 18 сентябрь, «Татар-информ»). Татарстан Үзәк сайлау комиссиясе рәисе Әгъзам Гобәйдуллин бүген иртән Казан шәһәре Вахитов районындагы 96 нчы гимназиядә урнашкан сайлау участогына хәләл җефете белән участок ачылуга ук килде, дип хәбәр итә ТР ҮСК.
Коллегасы – участок сайлау комиссиясе рәисеннән сайлауларга әзерлек барышының ничек үтүе белән кызыксынып, ул сайлау өчен бюллетеньнәр алды һәм үзенең гражданлык бурычын үтәде.
Республика ҮСК башлыгы бүген бөтен ил буйлап үтүче Россия Федераль Җыены түбән палатасына депутатлар сайлауның мөһимлеген билгеләп үтте.
«Минем уйлавымча, сайлау процессы тигез, тыныч һәм оешканлак белән үтәр. Сайлауларга барыргамы-бармаскамы дип уйланып торучыларга, бу безнең гражданлык бурычыбыз, дип исләренә төшерәсем килә. Һәр сайлаучы үзенең конституцион хокукын кулланырга тиеш», – дип белдерде Әгъзам Гобәйдуллин.
Татарстан Үзәк сайлау комиссиясе рәисе белдергәнчә, республикада иртәнге сәгать 8дә барлык 2812 участок та ачылган. Татарстан территориясендә тавыш бирү федераль закон нигезендә 20 сәгатьтә төгәлләнәчәк.
Кызыклы яңалыкларны күзәтеп бару өчен Телеграм-каналга язылыгыз