Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Үзәк банк ел ахырына кадәр бензинга бәяләр артмаячак дип ышандыра
Ягулыкка акцизларның вакытлыча кимүе һәм Хөкүмәт чаралары ярдәме белән, Россиядә бензин һәм дизель ягулыгы бәясе стабильләшә.
(Казан, 1 октябрь, "Татар-информ"). Үзәк банк фаразлары буенча, ел ахырына кадәр бензин һәм дизель ягулыгы кыйммәтләнмәячәк. Бу хакта “Известия” газетасы яза.
Үзәк Банкның акча-кредит турында докладында, эчке базарда автомобиль ягулыгына бәя сизелерлек артмаячак, диелә. Бензин һәм дизель бәясен стабильләштерүгә акцизларның вакытлыча кимүе ярдәм итә. Моннан тыш, нефть компанияләре ваклап сату бәяләрен арттырмыйча тотып тору буенча килешүне бозса, хөкүмәт нефть продукциясенә пошлинаны арттырырга мөмкин.
Шулай ук документта әйтелгәнчә, бензин һәм дизель бәясен үзгәртмичә тотып торуга ягулыкның биржа сатулары артуы да ярдәм итә.
Россиянең Икътисади үсеш министрлыгында Үзәк Банк фаразлары белән килешкәннәр. Апрель-июнь айларында бензин һәм дизель ягулыгы бәясе 8,9 һәм 8,5 процентка кыйммәтләнгәнен дә искә алганнар. Росстат мәгълүматларыннан күренгәнчә, Россиядә җәй ахырына бензин бәясе уртача 0,3 процентка кимегән. Гомумән алганда, августта бензинның бер литры 43,27 сум, дизель ягулыгының бер литры – 44,53 сум торган.
Кызыклы яңалыкларны күзәтеп бару өчен Телеграм-каналга язылыгыз