Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Юто Хисияма: Япониядәге татар теле курсларында телдән тыш, мәдәният тә өйрәтелә
Токионың чит телләр университетында татар телен һәм мәдәниятен өйрәнү буенча 20 кешелек курс ачылган.
(Казан, 6 октябрь, «Татар-информ», Зилә Мөбәрәкшина). Татар теле һәм әдәбиятыннан халыкара олимпиаданың Гран-при иясе Юто Хисияма Токионың чит телләр университетында «Дөнья телләренә кереш: татар теле» дигән онлайн курслар укыта башлаган. Дәресләрдә татар теленнән тыш, татар мәдәнияте һәм сәнгате турында белешмә бирелә. Бу хакта ул «Татар-информ» хәбәрчесенә сөйләде.
«Татар теле курслары япон телендә алып барыла, 20 студент кушылды. Студентларны татар теле, мәдәнияте, сәнгате һәм дөньясы белән таныштырып баруны, күзаллау тудыруны максат итеп куйдык. Коронавирус булу сәбәпле, дәресләр онлайн форматта үтә», — диде ул.
Юто курсларның оффлайн форматта да дәвам итәчәгенә өметен белдерде. «Татар теле белән кызыксынучылар бар. Дәресләрне үз тырышлыгыбыз белән алып барабыз. Моның башлангычында фәнни җитәкчем Синдзиро Кадзама торды, аңа рәхмәт. Дәресләрне укытканда Акира Сакурама, Мидзуки Накамура һәм Юто Хисияма авторлыгындагы Tatarstan Fanbook китабын кулланам», — дип әйтте ул.
Кызыклы яңалыкларны күзәтеп бару өчен Телеграм-каналга язылыгыз