Ютазы табиблары медицина хезмәткәрләре спартакиадасында уңышлы чыгыш ясаган
Гүзәл затлар швед эстафетасында һәм волейбол буенча икенче урынга чыккан.
(Ютазы, 28 апрель, "Татар-информ", "Ютазы таңы", Ильмира Галиева). Ютазы районы Урыссу үзәк район хастаханәсе коллективы Минзәлә районында узган медицина хезмәткәрләре спартакиадасында катнашып кайткан.Бу турыда җирле басма хәбәр итә.
Гүзәл затлар швед эстафетасында һәм волейбол буенча икенче урынга чыккан, шахмат тактасы артында барган ярышларда алар өченче урынга калган. Ир-егетләр бадминтон һәм өстәл теннисында икенче урынга лаек булырлык нәтиҗәләр күрсәтсә, ә менә швед эстафетасында алар өченче урынга чыккан.
Ахыр чиктә, Ютазы районы медицина хезмәткәрләре командасы дүртенче урынга лаек булган.