Ютазы районының Еновка авылына бәйрәм чарасына җыелдылар
Күмәк көч белән әзерләнгән бүләкләр, бәйрәм сые һәр кешенең күңелен күтәрде.
(Ютазы. 22 авгус, "Татар-информ", "Ютазы таңы", Ильмира Галиева). Кече авыллар көнен бәйрәм итәргә Еновка авылы халкы, кайткан якташлар, килгән кунаклар бер мәйданга җыйналды, дип яза җирле басма.
Район мәдәният бүлеге начальнигы Алсу Хөсәенова җитәкчелегендәге мәдәният йорты артистлары Гөлчәчәк Вәлиева, Николай Гребенюк, Малик Миңнуллин, Руслан Исламов, Минзилә һәм Рамил Абдурахмановлар, “Ютазы йолдызлары” иҗат коллективы һәм башкалар Еновка авылында яшәүчеләргә, кайткан кан-кардәшләргә чын бәйрәм оештырды. Авыл активисты Зирәк Мифтахов истәлекле бүләкләр өләште.
Күмәк көч белән әзерләнгән бүләкләр, бәйрәм сые һәр кешенең күңелен күтәрде. Туганнары да, йорты да, хәтта нигезе дә калмаган авыл кешеләре, бу көнне туган якларына кайтып, җаннарына, мөгаен, тынычлык тапкандыр, диелгән район хәбәрендә.