Ютазы районында хатын-кызлар командалары арасында волейбол буенча ярышлар узды
Урыссу бистәсе спортчылары белән волейбол мәйданында көч сынашырга күрше Октябрьский каласы командасы да килде.
Скопировать ссылку
(Ютазы, 11 март, "Татар-информ", "Ютазы таңы", Ильмира Галиева). Ютазы районы “Олимп” спорт комплексында хатын-кызлар командалары арасында волейбол буенча ярышлар узды, дип яза җирле басма.
Халыкара хатын-кызлар көне уңаеннан оештырылган бәйрәм уенында дүрт команда очрашты. Урыссу бистәсе спортчылары белән волейбол мәйданында көч сынашырга күрше Октябрьский каласы командасы да килде. Бәйрәм иртәсе булуы үз сүзен әйтми калмады – гүзәл затларыбызның һәр хәрәкәтендә күңел көрлеге чагылса, йөзләреннән елмаю чаткысы китмәде. Алар үз уеннарыннан зур канәгатьлек алды.