news_header_top
16+
news_header_bot
news_top

Ютазы районы Урыссу бистәсендә велосипедлар күпләп югала

Иң беренче чиратта, нәкъ менә милекче үзе гаепле.

(Ютазы, 10 август, "Татар-информ", "Ютазы таңы", Ильмира Галиева). Соңгы арада Ютазы районы Урыссу бистәсендәге күп фатирлы йортларның подъездларыннан велосипедларны урлау очрагы күбәйде, дип яза район газетасы.

Бүген кайсы гына йортка килеп кермә, баскыч мәйданчыкларында хуҗасыз калдырылган ике көпчәкле транспортка күпләп тап булырга мөмкин. Велосипедларның юкка чыгуына, иң беренче чиратта, нәкъ менә милекче үзе гаепле. Мондый күңелсезлекләргә тарымас өчен велосипед хуҗаларыннан үз милекләренә игътибарны арттыру, аларны гараж, подвал, сарай кебек ишекләренә йозаклы эленә торган биналарга ябып кую таләп ителә, дип хәбәр итте полиция участок уполномоченныйлары бүлекчәсе начальнигы полиция майоры Рөстәм Ногоманов.

news_right_1
news_right_2
news_bot