Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Юрист кияүгә чыккач машина йөртү таныклыгын алыштырмаган өчен штраф турында кисәтте
Хатын-кызга кияүгә чыкканнан соң фамилиясен алыштыргач машина йөртү таныклыгын да алмаштырырга кирәк, чөнки шәхси мәгълүматлар үзгәргәч ул гамәлдән чыгарыла, ә иске фамилия күрсәтелгән машина йөртү таныклыгы белән йөргән өчен штраф яный. Бу хакта РИА Новости агентлыгы Юрист-блогерлар берлеге әгъзасы Марина Воронцовага сылтама белән хәбәр итә.
Ул билгеләп үткәнчә, машина йөртү таныклыгын алыштыру өчен закон тарафыннан төгәл сроклар билгеләнмәгән. Әмма Транспорт чаралары белән идарә итү һәм машина йөртү таныклыгы алу хокукына имтиханнар үткәрү кагыйдәләренең 35 пунктында күрсәтелгәнчә, машина йөртү таныклыгы гамәлдә түгел дип санала һәм машина йөртүченең шәхси мәгълүматлары үзгәргән очракта ул гамәлдән чыгарылырга тиеш.
«Димәк, яңа паспорт алгач, машина йөртү таныклыгын тизрәк алыштыру чарасын күрергә кирәк, чөнки автомобиль белән идарә итү моңа хокукы булмаган затның идарә итүе буларак бәяләнәчәк», - дип ачыклык кертте Воронцова. Шулай ук, РФ Административ хокук бозулар кодексының 12.7 маддәсе нигезендә, алыштырылмаган машина йөртү таныклыгы белән рульгә утырган өчен хатын-кызны 5-15 мең сум штраф көтә, дип өстәде ул.
Кызыклы яңалыкларны күзәтеп бару өчен Телеграм-каналга язылыгыз