news_header_top
16+
news_header_bot
news_top

Яшь казанлылар узган ел «Пушкин картасы» буенча 60 меңгә якын билет сатып алган

Яшь казанлылар узган ел «Пушкин картасы» буенча 60 меңгә якын билет сатып алган
Фото: © «Татар-информ», Михаил Захаров

Яшь казанлылар узган ел «Пушкин картасы» программасы кысаларында мәдәни чараларга 59,8 мең билет сатып алган. Бу хакта шәһәр мэриясенең матбугат үзәге мәдәният идарәсенә сылтама белән хәбәр итә.

Яшьләр тарафыннан спектакльләр, концертлар һәм кинога билет сатып алуга юнәлдерелгән акчаларның гомуми күләме 29,9 миллион сум тәшкил иткән.

2021 елда гамәлгә ашырыла башлаган проект 14 яшьтән 22 яшькә кадәрге егет-кызларга мәдәният учреждениеләренә дәүләт хисабына йөрергә мөмкинлек бирә. Программа «Гаилә» илкүләм проекты кысаларында гамәлгә ашырыла. Һәр катнашучыга ел саен 5 мең сум акча күчерелә, аны мәдәни чараларга билетлар сатып алганда файдаланырга мөмкин.

news_right_1
news_right_2
news_bot