Мәдәният 13 август 2022 09:46

Yummy Music берьюлы өч премьера тәкъдим итә

Скопировать ссылку

Yummy Music лейблы бер көндә өч җәйге җыр чыгарырга булган. Бу хакта Yummy music лейблы матбугат хезмәте хәбәр итә.

Беренче җыр – URTIC «Күчтәнәч». Бу җәйдә электрон дуэт Салих Сәйдәшев һәм Хәйдәр Бигичев башкарган көйләрне дә үзләренең җырларына нигез итеп алган.

Икенче җыр – Ilgiz «Тәлинкә». Татар The Weeknd’ы ватык тәлинкәләр астында «ватык» мөнәсәбәтләрне символ итеп яшергән. Бу — пандемиягә кадәр язылган Нью-Йорк трилогиясенең икенче синглы. Татарстан буйлап чыгыш ясаулары Илгизгә елга бер сингл чыгарырга гына мөмкинлек бирә.

Өченчесе – Ittifaq feat. Ilgiz «Казаным». Бу релиз бераз медиа-археология өлкәсеннән. Yummy Music продюсерлары 2005 елда оешкан Ittifaq татар рэп-төркеменең «иске яңа» альбомының язмаларын тапкан. Иң башта, төркем берничә сингл, ә аннан тулы альбомны да музыкаль платформаларга чыгарачак. Бу җыр 2012 елда, Ilgiz’не татар The Weeknd’ы дип атамаган чакта, туган шәһәргә багышлап, язылган.

Сәхифәләр

Yummy Music берьюлы өч премьера тәкъдим итә