Юл кәрзине...
«Татар-информ» мәгълүмат агентлыгы «Ядкярләрдә Тукай рухы» әдәби конкурсында җиңү яулаган катнашучыларның эшләрен тәкъдим итә. Әдәби бәйге Татарстан Республикасы Милли музее һәм Габдулла Тукай әдәби музее тарафыннан оештырыла. Әлеге эшләр беренче тапкыр матбугатта тәкъдим ителә.
Скопировать ссылку
Ютәлләрең шаһиты ул...
Әрнүләрең шаһиты...
Юллар аша, еллар аша
Килгән милләт шагыйре!
Шигырь утың – йөрәгеңдә,
Кәрзинеңдә ниләрдер...
Тал чыбыктан түгелдер лә,
Моң кушып үрелгәндер.
Юлдашың да, сердәшең дә -
Юл кәрзинең! Чор аша
Шигырь булып Тукай рухы
Күңелләргә тоташа!
Арчадан Зәлинә Минһаҗева