Җәмгыять 16 февраль 2017 12:08

Юл кагыйдәләрен бозу өчен штрафны 50 процент ташлама белән түләтү бурычлыларны киметмәгән

Ләкин экспертлар ташламалар үзен аклады дип саный.

Скопировать ссылку

(Казан, 16 февраль, “Татар-информ”). 2016 елның башында юл йөрү кагыйдәләрен бозган өчен штрафны 50 процент ташлама белән түләү мөмкинлеге кертелгән иде. Бу карар бурычлы кешеләрнең армиясен киметмәгән. Киресенчә, Россия Федерациясенең Федераль суд приставлары хезмәте мәгълүматларына караганда, 2015 ел белән чагыштырганда, 2016 елда идарә тармагы бурычларны түләтү эшләрен 43 процентка күбрәк кузгаткан. Бу хакта “Известия” хәбәр итә.

Ләкин экспертлар ташламалар үзен аклады дип саный. Түләнмәгән штрафларның артуын исә алар видеофиксация камераларның күбәюе, автопаркның үсеше һәм Россия Федерациясенең Федераль суд приставлары хезмәте һәм ЮХИДИ арасында документ әйләнеше барлыкка килү белән бәйләп аңлата.

ЮХИДИ мәгълүматлары буенча, 2016 елда Дәүләт автоинспекциясе 87,1 млн штраф карары чыгарган. 61,3 млн штраф түләнгән, шуларның 41,4 млн (67,5 процент) 50 процент ташлама белән.

#штраф #юл йөрү кагыйдәләре #ЮХИДИ

Сәхифәләр

Юл кагыйдәләрен бозу өчен штрафны 50 процент ташлама белән түләтү бурычлыларны киметмәгән