ЮХИДИ Яңа ел бәйрәмнәрендә исерек йөртүчеләрне санады
30 декабрьдән 8 гыйнварга кадәр исерек килеш идарә итүнең 11,5 меңнән артык факты ачыкланган.
(Казан, 10 гыйнвар, «Татар-информ»). Яңа ел каникулларында ЮХИДИ хезмәткәрләре бөтен Россия буенча 17 меңнән артык исерек йөртүчене теркәгән. Бу хакта ведомство 10 гыйнварда хәбәр итте, дип яза "Известия".
30 декабрьдән 8 гыйнварга кадәр Дәүләт автоинспекциясе хезмәткәрләре Россиядә транспорт белән исерек килеш идарә итүнең 11,5 меңнән артык фактын ачыклаган һәм автомобильчеләр 6 меңгә якын очракта медицина тикшеренүе үтүдән баш тартканнар.
Бәйрәм көннәрендә Дәүләт автоинспекциясе аек булмаган йөртүчеләрне ачыклау эшен активлаштырган. ЮХИДИ матбугат хезмәте хәбәр иткәнчә, исерек автомобильчеләрнең күбесе фаҗига китереп чыгарганчы туктатылган, шулай да кайберләре юл-транспорт һәлакәте китереп чыгарырга өлгергән.