Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
ЮХИДИ башлыгы: Ташламалар кертелгәч машина йөртүчеләр тизлекне ешрак арттыра башлады
Республика дәүләт автоинспекциясе мәгълүматлары буенча, өч ел эчендә тизлек белән бәйле тәртип бозулар саны арткан.
(Казан, 19 декабрь, “Татар-информ”, Елена Сәлахова). Штрафларга 50 процентлы ташламалар кертелгәч, машина йөртүчеләр тизлекне ешрак арттыра башлаган. Бу хакта юл хәрәкәте куркынычсызлыгын тәэмин итү буенча эшчәнлек нәтиҗәләренә багышланган матбугат конференциясендә Татарстанның баш дәүләт автоинспекторы Ленар Габдрахманов әйтте.
“Татарстанда яңа норма кертелгәнгә кадәр кагыйдә бозуларның кимүе күзәтелә иде. Ташламалар кертелгәч, машина йөртүчеләрнең тизлек режимын ешрак арттыра башлады. 2015 елда тизлекне арттыру юл кагыйдәсе бозуларның йөз процентына җитмеш процент туры килсә, 2018 елда ул 94 процентны тәшкил итә”, – дип аңлатты Ленар Габдрахманов
“Татар-информ” элек Татарстан Министрлар Кабинеты һәм Татарстан Эчке эшләр министрлыгы коллегиясе уртак утырышында Татарстан Президенты Рөстәм Миңнеханов ЮХИДИ штрафларын түләүдә ташламаларны бетерүне тәкъдим итүен хәбәр иткән иде.
“Әгәр дә кеше тәртип бозган икән, ул түләргә тиеш. Нинди ташлама булуы мөмкин? Әлеге өч миллиард күп кенә мәсьәләләрне хәл итүгә тотылачак”, - диде коллегиядә Рөстәм Миңнеханов.
Моннан тыш, Татарстан эчке эшләр министры Артем Хохорин түләмәүчеләр саны кимемәгәнлеген әйтте. Татарстанда юл хәрәкәте кагыйдәләрен бозучы һәр өченче кешенең түләнмәгән ЮХИДИ штрафлары бар.
Кызыклы яңалыкларны күзәтеп бару өчен Телеграм-каналга язылыгыз