Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Югра татарлары УрманФест бәйрәменә әзерләнә
Ханты-Манси автономияле округы-Югра татар яшьләре берлеге УрманФест бәйрәме үткәрергә әзерләнә. Бу хакта Берлек ВКонтакте челтәрендә хәбәр итә.
Әлеге чара ел саен җәй уртасында уза. Аңа әзерлек турында «Умка» өстәмә белем бирү үзәгендә түгәрәк өстәл артында Татар яшьләре берлеге, «Мирас» клубы һәм татар юнәлеше активистлары җәмәгатьчеләренең очрашуында сөйләшкәннәр.
Очрашуда киләсе сезонда узачак чаралар турында фикер алышканнар, эшлисе юнәлешләрдә бурычларны билгеләгәннәр.
Биредә Габдулла Тукайның «Туган тел»е, Рәсүл Гамзатов һәм башка шагыйрьләрнең шигырьләренә язылган җырлар яңгыраган.
«Умка» үзәгендә «Мирас» хатын-кызлар клубы төрле кием һәм аксессуарларга татар бизәге төшерергә, чигәргә, бәйләргә өйрәтүче мастер-класслар үткәрә. Клуб әгъзасы Эльмира Авзалова өлкәннәр һәм балалар өчен татар теле дәресләре алып бара. Үзәктә иң кечкенә балага да шөгыль табарга мөмкин, биредә 8 айлык балалар өчен дә дәресләр бар. «Умка» төбәктә иң яхшыларның берсе дип танылды, дип хәбәр итә Татар яшьләре берлеге.
Кызыклы яңалыкларны күзәтеп бару өчен Телеграм-каналга язылыгыз