Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Югары Осланда “Батырлар” скверына нигез салынды
Анда 100 дән артык үсенте утыртылды
(Казан, 25 сентябрь, “Татар-информ”). ТР Югары Ослан районында, Бөек Ватан сугышы ветераннары белән берлектә, “Батырлар” скверына нигез салынды.
Чарада муниципаль район башлыгы Марат Зыятдинов, ТР буенча ЭЭМның ЮХИДИ идарәсе башлыгы Рифкать Миңнеханов, район үзәгенең оешмалар һәм үзәкләр җитәкчеләре, Югары Ослан урта мәктәбе һәм гимназияләре укучылары, “Бердәм Россия” партиясе әгъзалары да катнашты.
Беренче үсентеләрне Идел буе урман хуҗалыгы җитәкче-лесничие Ибраһим Исмәгыйлев утыртты. Бөек Ватан сугышы ветераннары Петр Хватков һәм Вениамин Петров да читтә калмаган.
Бу көнне барлыгы 100 дән артык чыршы, ак каен, юкә, дүләнә агачы үсентеләре утыртылды. Парк 2015 нче елда, Бөек Җиңүнең 70 еллыгы уңаеннан ачылачак, дип хәбәр итә ТР Урман хуҗалыгы министрлыгының матбугат хезмәте.
Кызыклы яңалыкларны күзәтеп бару өчен Телеграм-каналга язылыгыз