Югары Ослан районында йөк автомобиленә барган уңайга ут капкан
Йөк автомобиленең кабинасы тулысынча янып беткән.
Скопировать ссылку
(Казан, 9 апрель, «Татар-информ»). Югары Ослан районында зур йөк автомобиленә барган уңайга ут капкан, дип хәбәр итә социаль челтәрләрдән файдаланучылар.
Кадрлардан күренгәнчә, йөк автомобиленең кабинасын ялкын телләре тулысынча камап алган. Урынга юл-патруль хезмәте инспекторлары килгән.
Социаль челтәрләрдән файдаланучылар йөк автомобиленә барган уңайга ут капкан дип фаразлый.
Зыян күрүчеләр юк. Хәзер әлеге хәлнең килеп чыгу сәбәпләрен ачыклыйлар.