Хәвеф-хәтәр 10 февраль 2017 09:44

Югары Ослан районында автомобиль йөк машинасы белән бәрелешкән

Иномарка йөртүчесе һәлак булган.

Скопировать ссылку

(Казан, 10 февраль, “Татар-информ”). Югары Ослан районында юл һәлакәтендә машина йөртүче һәлак булган. Бу хакта "Татар-информ" мәгълүмат агентлыгына Россия Гадәттән тыш хәлләр министрлыгының Татарстан буенча Баш идарәсе матбугат хезмәте хәбәр итә.

Вакыйга бер көн элек көндез М7 трассасының 758 километрында, Татар Борнашы авылы янында булган. Һәлакәт турында хәбәр 112 бердәм номеры буенча оператив хезмәтләренә килеп ирешкән. “Киа Рио” автомобиле һәм “Вольво” йөк машинасы бәрешелү нәтиҗәсендә 44 яшьлек җиңел машина йөртүчесе һәлак булган. Шулай ук “Киа Рио”да булган 61 яшьлек пассажир да зыян күргән.

#Һәлакәт #Югары Ослан

Сәхифәләр

Югары Ослан районында автомобиль йөк машинасы белән бәрелешкән