Югары Ослан районында Иделдәге боздан чыга алмаган балыкчыларны коткарганнар
Скопировать ссылку
Югары Ослан районының Ташкабак авылы янында коткаручылар ике балыкчыны боздан алып чыккан. Ир‑атлар боз тишелү сәбәпле мөстәкыйль рәвештә ярга чыга алмаган. Бу хакта 112 ашыгыч хезмәтләр номерына хәбәр иткәннәр.
«Татар-информ»га Россия Гадәттән тыш хәлләр министрлыгының ТР буенча баш идарәсендә хәбәр итүләренчә, коткаручылар балыкчыларны исән-имин ярга алып чыккан. Ир-атлар медицина ярдәменнән баш тарткан.
Язгы бозга чыгу бик куркыныч, дип кисәтә коткаручылар.