Җырчы МакSим Хәния Фәрхи җырыннан өзек башкарган
Скопировать ссылку
Җырчы МакSим (Марина Абросимова) «Китап клубы» юмористик шоуының яңа чыгарылышында Татарстан һәм Башкортстанның халык артисты Хәния Фәрхи репертуарында иң танылган җырларның берсе булган «Әлдермешкә кайтам әле» җырыннан өзек башкарган.
Әңгәмә барышында комик Сергей Орлов татар телен «бик моңлы» дип атый. Максим моңа җавап итеп Хәния Фәрхи композициясеннән берничә юлны башкара. «Гафу итегез, үзеннән-үзе чыга», – ди Казан кызы.
«Әлдермешкә кайтам әле» җыры 2017 елда 57 яшендә вафат булган Хәния Фәрхинең иң танылган композицияләренең берсе.