Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Җырчы Зөһрә Шәрифуллина Татарстанның "Фидакарь хезмәт өчен" медаленә лаек булды
Юбилей кичәсендә артисткага Татарстан Президенты исеменнән җиңел машина ачкычы тапшырылды.
(Казан, 17 декабрь, "Татар-информ") Бүген Казанда Татарстанның халык артисткасы Зөһрә Шәрифуллинага республикасының "Фидакарь хезмәт өчен" медале тапшырылды. 60 яшьлек юбилее уңаеннан, Г.Тукай исемендәге Татар дәүләт филармониясе концертлар залында оештырылган кичәдә җырчыны республика җитәкчелеге исеменнән Татарстан Дәүләт Советы рәисе урынбасары Римма Ратникова котлады. Татарстан Президенты исеменнән ул Зөһрә Шәрифуллинага җиңел автомобиль машинасы ачкычын бүләк итте.
Артистканың иҗатын сөючеләргә концерт программасында татар халык җырлары, заманча татар һәм башкорт композиторларының музыкаль әсәрләре тәкъдим ителде. Җырчыны тәбрик итәргә Башкортстанның атказанган сәнгать эшлеклесе, Татарстанның Г.Тукай исемендәге Дәүләт премиясе лауреаты Рим Хәсәнов, Татарстанның атказанган, Башкортстанның халык артисты Нәзифә Кадыйрова, Башкортстанның атказанган мәдәният хезмәткәре Зифа Нагаева килде.
Кызыклы яңалыкларны күзәтеп бару өчен Телеграм-каналга язылыгыз