Спорт 16 сентябрь 2018 00:00

Җырчы Ришат Төхвәтуллин азнакайлылар белән бергә кросста йөгергән

Азнакайның "Юбилейный" стадионында "Милләтләр кроссы-2018" бөтенроссия акциясе узды.

Скопировать ссылку

(Казан, 16 сентябрь, "Татар-информ", "Маяк", Резеда Шәрипова). Кичә Азнакайның "Юбилейный" стадионында "Милләтләр кроссы-2018" бөтенроссия акциясе узды, дип хәбәр итә район басмасы.

Анда мәктәп укучылары, район җитәкчеләре, предприятие-оешмалар коллективлары үз дистанцияләрендә кросс бирде.

Шулай ук биредә ГТО нормаларын да тапшырырга мөмкин иде.

Йөгерүчеләр арасында татар эстрадасының танылган җырчысы Ришат Төхвәтуллин да бар иде.

" Кайсы гына шәһәргә гастрольгә барсам да, стадионга чыгам. Концерт алдыннан йөгереп, физик күнегүләр ясап алам. Бу тәнгә җиңеллек, кәеф күтәренкелеге бирә. Гомумән, спорт – ул сәламәтлек. Мин Азнакайга һәрчак яратып киләм. Стадионы да бик матур, уңайлы, юлым төшкәндә һәрчак рәхәтләнеп шөгыльләнәм", диде ул.

#азнакай #кросс #ришат төхвәтуллин

Сәхифәләр

Җырчы Ришат Төхвәтуллин азнакайлылар белән бергә кросста йөгергән