Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Йорт түбәсеннән кар чистартмаган оешмага Чаллы прокуратурасы җинаять эше кузгаткан
Фаҗига февраль уртасында Яңа шәһәрнең 50нче комплексында 12нче йорт янында була.
(Казан, 25 март, “Татар-информ”). Чаллы прокуратурасы өлкән яшьтәге хатын-кызның өстенә боз кисәге төшкәннән соң җинаять эше кузгатуга ирешкән. Хезмәт күрсәтүче оешма йорт түбәсеннән карны вакытында чистартуны оештырмау сәбәпле фаҗига килеп чыккан. Бу хакта “Татар-информ”га Татарстан прокурорының өлкән ярдәмчесе Руслан Галиев хәбәр итте.
"3нче номерлы "Үзәк" сорау алу бүлеге "Һөнәри бурычларын тиешенчә үтәмәү аркасында сәламәтлеккә авыр зыян китерү” маддәсе буенча җинаять эше кузгатты", - дип ачыклык кертте Руслан Галиев.
- “Татар-информ” мәгълүмат агентлыгы хәбәр итүенчә, февраль уртасында Яңа шәһәрнең 50нче комплексы янында бишенче каттагы балкон козырегыннан 67 яшьлек хатын-кызга боз кисәге төшә. Зыян күрүчене авыр хәлдә реанимациягә озатканнар.
Илдус Нәфыйков йөкләмәсе буенча прокурор тикшерүе үткәрелгән. Күп фатирлы йорт белән идарә итү “Камстройсервис” ҖЧҖ тарафыннан гамәлгә ашырыла. Оешма техник хезмәт күрсәтү, санитар карап тоту һәм агымдагы ремонт буенча «ЖЭУ 51»ҖЧҖ килешү төзегән.
Җыелган материалларны прокурор "Үзәк” полиция бүлегенә җинаять эше кузгатуны таләп иткән. Прокурор тәкъдиме белән ике вазифаи зат дисциплинар җаваплылыкка тартылган.
Кызыклы яңалыкларны күзәтеп бару өчен Телеграм-каналга язылыгыз