Җәмгыять 10 апрель 2018 09:00

Язын Кукмарадан 60 ир-егет армия сафларына алыначак

Район хәрби комиссариатында хәрби хезмәткә чакыру комиссиясенең утырышы булды.

Скопировать ссылку

(Кукмара, 10 апрель, "Татар-информ", "Хезмәт даны"). Армия сафларына язгы чакырылыш чорында Кукмара районыннан алтмыштан артык егет хезмәт итәргә китәчәк. Бу уңайдан район хәрби комиссариатында хәрби хезмәткә чакыру комиссиясенең утырышы булды, дип яза kukmor-rt.ru сайты.

Комиссия әгъзалары, егетләрнең медицина тикшерүе нәтиҗәләре белән танышып, аларның солдат булырга ни дәрәҗәдә яраклы икәнлекләрен тикшерделәр, егетләрне берәм-берәм чакырып, үзләре белән сөйләштеләр. Шунысы сөенечле: аларның барысы да армиягә барырга теләкләрен белдерде.

-Хәрби хезмәткә чакырылучыларның күбесе урта махсус һәм югары белемгә ия. Алар бер ел хезмәт итәчәк. Күпчелек һава-десант гаскәрләренә, диңгез пехотасына җибәрелүләрен телиләр. Әмма кайсы гаскәрләргә билгеләнүләре аларның сәламәтлек торышына бәйле, - ди район хәрби комиссариатының хәрби хезмәткә әзерләү һәм чакыру бүлеге җитәкчесе Наил Гаптрәүпов.

#Кукмара #Хезмәт даны

Сәхифәләр

Язын Кукмарадан 60 ир-егет армия сафларына алыначак