Күренекле язучы һәм драматург Хәбир Ибраһимның Татарстан китап нәшриятында «Ышанма күз яшьләремә» дип аталган проза китабы дөнья күрде.
ТР Язучылар берлеге матбугат хезмәте хәбәр итүенчә, әлеге китапта язучының киң җәмәгатьчелектә казаныш алырга өлгергән, романтик рухта язылган чәчмә әсәрләре тупланды. Нигездә, әсәр сюжетлары бүгенге көн проблемаларын күтәргән һәм реаль тормыш вакыйгаларына нигезләнеп язылган.