Язның беренче көнендә Татарстанда көчле кар, буран һәм бозлавык көтелә
Скопировать ссылку
Якшәмбе, 1 мартта, Татарстан территориясендә һәм Казанда һава шартларының начараюы көтелә. Бу хакта ТР Гидрометеорология үзәге хәбәр итә.
Синоптиклар фаразлавынча, төнлә республикада көчле кар явачак. Тәүлек дәвамында урыны белән буран, шулай ук томан һәм бозлавык көтелә.
Явым-төшем һәм җил аркасында кар көртләре һәм кар боткасы хасил була. Машина юлларында бозлавык сакланачак, ул аерым районнарда аеруча көчле булырга мөмкин.